ग्रेटर नोएडात तरुणाच्या खिशात विवो मोबाईलचा स्फोट, तरुण जखमी

विवो मोबाईलचा खिशात स्फोट झाल्याने एक तरुण गंभीर जखमी झाल्याची घटना ग्रेटर नोएडात घडली आहे. ऋषी कुमार असे जखमी तरुणाचे नाव आहे. ऋषी कामावरून घरी जात असतानाच ही घटना घडली. ऋषीला उपचारासाठी रुग्णालयात दाखल करण्यात आले आहे.

ऋषी कुमार नेहमीप्रमाणे कामावरून घरी चालला होता. यावेळी त्याने आपला विवो कंपनीचा मोबाईल खिशात ठेवला होता. कारमध्ये बसत असतानाच खिशात मोबाईलचा स्फोट झाला. या स्फोटात त्याचे कपडे जळाले असून पाय गंभीर भाजले. सदर मोबाईल तीन वर्षे जुना होता.

ऋषीला जखमी अवस्थेत रुग्णालयात दाखल करण्यात आले. त्याच्या पायाला खोलवर जखमा झाल्या आहेत. ऋषीने हा मोबाईल त्याने तीन वर्षांपूर्वी 10 हजार रुपयांना विकत घेतला होता.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.