Maharashtra Election 2024 – राष्ट्रवादी काँग्रेस शरदचंद्र पवार पक्षाची चौथी यादी जाहीर, 7 उमेदवारांची घोषणा

महाविकास आघाडीतील राष्ट्रवादी काँग्रेस शरदचंद्र पवार पक्षाने विधानसभा निवडणुकीची चौथी यादी जाहीर झाली आहे. या यादीत एकूण 7 उमेदवारांना उमेदवारी जाहीर करण्यात आली आहे. विशेष म्हणजे काटोल मतदारसंघातून माजी गृहमंत्री अनिल देशमुख यांचे सुपुत्र सलील देशमुख यांना उमेदवारी देण्यात आली आहे.

राष्ट्रवादी काँग्रेस शरदचंद्र पवार पक्षाच्या अधिकृत X हॅंडलवर ही यादी पोस्ट करण्यात आली आहे. या यादीत 7 विधानसभा मतदारसंघातील अधिकृत उमेदवारांची नावे घोषीत केली आहेत. माण,काटोल, खानापूर,वाई, दौंड, पुसद, सिंदखेडा, या मतदारसंघांचा समावेश आहे. माण मधून प्रभाकर घार्गे यांना उमेदवारी देण्यात आली आहे. तर कटोलमधून सलील देशमुख यांना उमेदवारी जाहीर झाली आहे. खानापूरमधून वैभव सदाशिव पाटील, वाईमधून अरुणादेवी पिसाळ, दौंडमधून रमेश थोरात, पुसदमधून शरद मैंद तर सिंदखेडामधून संदीप बेडसे यांना उमेदवारी देण्यात आली आहे.

कृपया प्रसिद्धीसाठी…

राष्ट्रवादी काँग्रेस पार्टी- शरदचंद्र पवार पक्षाच्या संसदीय मंडळाने दिलेल्या मान्यतेनुसार महाराष्ट्र विधानसभा निवडणूक – २०२४ साठी पक्षाच्या अधिकृत उमेदवारांची विधानसभानिहाय चौथी यादी जाहीर करण्यात आली आहे. pic.twitter.com/ewuUQGx4zu

— Nationalist Congress Party – Sharadchandra Pawar (@NCPspeaks) October 28, 2024

एकूण 83 उमेदवारांची नावे जाहीर –

शरद पवारांच्या राष्ट्रवादी काँग्रेस पक्षाने यापूर्वी 3 याद्या जाहीर केल्या आहेत. पहिली यादी 45 उमेदवारांची, दुसरी 22 उमेदवारांची तर तिसरी यादी 9 उमेदवारांची असून आता चौथी यादी देखील जाहीर करण्यात आली आहे. त्यामुळे राष्ट्रवादी काँग्रेसतर्फे एकूण 83 उमेदवारांची नावे जाहीर केली आहेत.

90 चा फॉर्म्युला 

महाविकास आघाडीतील शिवसेना, राष्ट्रवादी काँग्रेस आणि काँग्रेस हे प्रमुख पक्ष प्रत्येकी 85 ऐवजी 90 जागांवर लढणार आहेत, अशी माहिती काँग्रेसचे विधिमंडळ पक्षनेते बाळासाहेब थोरात यांनी दिली. जागावाटपात इतर घटक पक्षांनाही मानाचे स्थान देण्यात आले असून उर्वरित 18 जागा मित्रपक्षांना सोडण्याचे निश्चित झाले आहे, असे थोरात यांनी नमूद केले.