Maharashtra Election 2024 – राष्ट्रवादी काँग्रेस शरदचंद्र पवार पक्षाच्या उमेदवारांची तिसरी यादी जाहीर

विधानसभा निवडणुकीसाठी राष्ट्रवादी काँग्रेस शरदचंद्र पवार पक्षाकडून उमेदवारांची तिसरी यादी जाहीर करण्यात आली आहे. या यादीत एकूण नऊ उमेदवारांची घोषणा पक्षाकडून करण्यात आली आहे.

राष्ट्रवादी काँग्रेस शरदचंद्र पवार पक्षाचे प्रदेशाध्यक्ष जयंत पाटील यांनी मुंबईत पत्रकार परिषद घेतली. त्यावेळी त्यांनी नऊ उमेदवारांची नावे जाहीर केली आहे. विधानसभा मतदार संघ 35 करंजा येथून ज्ञायक पटणी यांना उमेदवारी जाहीर केली आहे. मतदार संघ 46 हिंगणघाट मधून अतुल वांदिले यांना उमेदवारी जाहीर करण्यात आली आहे. तसेच हिंगणा मधून रमेश बंग, अणुशक्तीनगर मधून फहाद अहमद, चिंचवड मधून राहुल कलाटे, भोसरीमधून अजित गव्हाणे, माझलगाव मधून मोहन बाजीराव जगताप यांना उमेदवारी जाहीर करण्यात आली आहे. तसेच परळीतून राजेसाहेब देशमुख आणि माहोळमधून सिद्धी रमेश कदम यांना उमेदवारी जाहीर करण्यात आली आहे.

राष्ट्रवादी काँग्रेस पार्टी शरदचंद्र पवार पक्षाची तिसरी यादी

1. करंजा (35) – ज्ञायक पटणी
2. हिंगणघाट (46) – अतुल वांदिले
3. हिंगणा (50) – रमेश बंग
4. अणुशक्तीनगर (172) – फहाद अहमद
5. चिंचवड (205) – राहुल कलाटे
6. भोसरी (207) – अजित गव्हाणे
7. माझलगाव (229) – मोहन बाजीराव जगताप
8. परळी (233) – राजेसाहेब देशमुख
9. मोहोळ (247) – सिद्धी रमेश कदम

शरद पवारांच्या राष्ट्रवादी काँग्रेस पक्षाने यापूर्वी 45 उमेदवारांची पहिली यादी जाहीर केली होती. त्यानंतर 22 उमेदवारांची दुसरी यादी जाहीर करण्यात आली असून आता तीसरी यादी देखील जाहीर करण्यात आली आहे. त्यामुळे आत्तापर्यंत एकूण 76 उमेदवारांची नावे शरद पवारांच्या राष्ट्रवादी काँग्रेस पक्षाने जाहीर केली आहेत.