भाजपकडून उमेदवारीसाठी 50 लाखांची मागितली खंडणी, दोघांना अटक

नाशिक मध्य विधानसभा मतदारसंघातील भाजपची उमेदवारी देण्यासाठी 50 लाख रुपयांची खंडणी मागणाऱ्या व खंडणी न दिल्यास राज्यभर बदनामी करण्याची धमकी देणाऱ्या दोघांना गुन्हे शाखेने अटक केली आहे. पंतप्रधान कार्यालयातून बोलतो, असे सांगून ही तोतयागिरी सुरू होती.

सहा ऑक्टोबरची ही घटना आहे. या घटनेची नोंद सरकारवाडा पोलिसात करण्यात आली. चौकशीनंतर सर्वेश उर्फ शिवा उर्फ दिनू सुरेंद्र मिश्रा रा. गाझियाबाद, उत्तर प्रदेश; गौरवनाथ बहादुरसिंग नाथ रा. घडोली, दिल्ली या दोघांना 24 ऑक्टोबरला दिल्लीतून अटक करण्यात आली. नाशिक न्यायालयाने त्यांना 28 ऑक्टोबरपर्यंत पोलीस कोठडी दिली आहे. या दोघांनी राज्यात व राज्याबाहेर भाजपच्या नावाने कोणाला फसविले व प्रयत्न केला, याचा तपास सुरू आहे.

पंतप्रधान कार्यालयातून प्रिन्सिपल सेक्रेटरी बोलतोय, असे सांगून नाशिक व इतर ठिकाणची तिकिटे रद्द झाली आहेत, अशा मजकुराचे पत्र एकाने नाशिक मध्यच्या भाजपच्या विद्यमान आमदारांना वाचून दाखविले व उमेदवारी कायम ठेवण्यासाठी खंडणीची मागणी केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.