देशभरात सण उत्सवाचे वातावरण असल्यामुळे चोरट्यांची संख्या वाढली आहे. रात्रीच काय तर दिवसाढवळ्याही सोने चांदीचा ऐवज चोरीला जात आहे. मात्र, राजस्थानमधील बेवार जिल्ह्यातून चोरीचा एक वेगळाच प्रकार समोर आला आहे. जिल्ह्यातील विजयनगरमध्ये चोरट्यांनी घरात घुसून महिलांच्या अंतर्वस्त्रांची चोरी केली आहे. अशा प्रकारच्या चोरीच्या घटना गेल्या 3 महिन्यांपासून सातत्याने सुरू आहेत. यामुळे महिला अस्वस्थ झाल्या आहेत. याशिवाय चोराला पकडण्यासाठी परिसरातील नागरिकांनी घराच्या छतावर सीसीटीव्ही कॅमेरेही लावले आहेत.
गेल्या 3 महिन्यांपासून सुरू असलेल्या या चोरीबाबात सुरुवातीला कोणीही गाजावाजा केला नाही. महिलाही याबाबत गप्प होत्या. मात्र दिवसेंदिवस चोऱ्या वाढल्यामुळे सर्वांनी मिळून विजयनगर पोलीस ठाण्यात गुन्हा दाखल केला. विजयनगरमधील टाकी गलीतील लोकांच्या घरातून गेल्या तीन महिन्यांपासून महिलांच्या अंतर्वस्त्रांची चोरी होत आहे. अशा परिस्थितीत पोलिसांनी लवकरात लवकर कारवाई करावी, अशी मागणी नागरिकांनी केली आहे.
पोलिसांनी याप्रकरणी गुन्हा दाखल करून कारवाई सुरू केली आहे. या चोरांना पकडण्यासाठी परिसरातील सीसीटीव्हीही तपासण्यात आले आहेत. यात दिसणाऱ्या चोरांचा शोध पोलीस घेत आहे. तपासादरम्यान हे चोर त्याच परिसरातील नसल्याचे स्पष्ट झाले आहे. दरम्यान, या चोरांच्या टोळीमुळे परिसरात भीतीचे वातावरण आहे. त्यामुळे पोलिसांनी कडक बंदोबस्त केला आहे.
.jpeg)
Comment List