सलमान खानने बिश्नोई टोळीच्या धमकीला जुमानले नाही, ‘सिंघम अगेन’मध्ये करणार कॅमियो

बॉलीवूडचा ‘दबंग’ अभिनेता सलमान खानच्या ‘सिंघम अगेन’च्या कॅमियोबाबत उलट सुलट चर्चांना उधाण आले होते. मात्रा आता या चर्चांना पूर्णविराम लागला आहे. आता सलमान हा सिनेमा करत असल्याच्या बातमीची पुष्टी मिळाली आहे. सलमान खान अजय देवगणच्या सिनेमात चुलबुल पांडेच्या भूमिकेत दिसणार आहे.

चुलबुल पांडेच्या रुपात सलमान खान या सिनेमात दिसणार असून सिनेमात अनोखा ट्विस्ट असणार आहे.या सिनेमात चुलबुल पांडेची भूमिका सलमान खानच करत नाही, तर अजय देवगण बाजीराव सिंघमच्या भूमिकेत परतत आहे. सलमान खान पुन्हा एकदा ‘सिंघम अगेन’ कॅमियोत शुटींगसाठी मित्र रोहित शेट्टी आणि अजय देवगण यांच्याशी केलेली कमिटमेण्टवर खरा उतरला आहे. सलमान त्याच्या शो मस्ट गॉनवर कायम आहे. आधी लॉरेन्स बिश्नोई टोळीकडून जीवे मारण्याची धमकी मिळाल्यानंतर सलमान खानचा कॅमियो रद्द झाल्याची बातमी आली होती. मात्र आता सलमान खान या सिनेमात कॅमियो करणार असल्याची पुष्टी मिळाली आहे.

काळवीट शिकार प्रकरणात सलमान खानला लॉरेन्स बिश्नोई टोळीकडून सतत जीवे मारण्याची धमकी दिली जात आहे. काही दिवसांपूर्वीच सलमान खानचे मित्र बाबा सिद्दिकी यांची गोळ्या झाडून हत्या करण्यात आली होती. या हत्येची जबाबदारी लॉरेन्स बिश्नोई टोळीने घेतली असून, त्यानंतर सलमान खानची सुरक्षेत वाढ करण्यात आली. मात्र, या सगळ्यात सलमान खानने आपले काम सोडलेले नाही. सध्या तो ‘बिग बॉस 18’ चेही शूटिंग करत आहे.