Jabalpur Factory Blast – मध्य प्रदेशात जबलपूरमधल्या ऑर्डिनन्स फॅक्टरीत स्फोट, अनेक कर्मचारी जखमी

मध्य प्रदेशातील जबलपूर येथील ऑर्डिनन्स फॅक्टरी खमारिया येथे मंगळवारी भीषण स्फोट झाला. या स्फोटात 9 कर्मचारी गंभीर जखमी झाल्याची प्राथमिक माहिती आहे. यापैकी तीन कर्मचाऱ्याची प्रकृती चिंताजनक असल्याचे बोलले जात आहे. फॅक्टरीच्या F-6 विभागात अचानक हवाई बॉम्बचा स्फोट झाल्याने ही दुर्घटना घडली. स्फोटाची तीव्रता जास्त असल्यामुळे संपूर्ण इमारत जमिनदोस्त झाली आहे.

घटनेची माहिती मिळताच कारखाना व्यवस्थापनाने बचाव सुरू केले. तसेच या अपघातात जखमी झालेल्यांना रुग्णालयात दाखल करण्यात येत आहे. तसेच या स्फोटामुळे इमारत कोसळली असून त्या ढिगाऱ्याखाली अनेक जण असल्याची भीती वर्तवण्यात येत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.