रस्त्यावरुन चालले तरी पोलीस लावत आहेत दंड, वाचा काय आहे प्रकरण

सर्वच देशांमध्ये ट्राफिकच्या नियमांचे उल्लंघन केल्यास पोलिसांकडून कडक कारवाई केली जाते. बऱ्याच वेळा मोठी रक्कम दंड स्वरुपात भरावी लागते. मात्र, दुबईमध्ये चक्क रस्त्यावरून चुकीच्या पद्धतीने चालल्यामुळे अनेक नागरिकांना दंड ठोठावला आहे.

गगनाला भिडणाऱ्या इमारती, स्वच्छ सुंदर रस्ते आणि निळ्याशार समुद्राच्या कुशीत वसलेलं दुबई शहर ट्राफिकच्या कडक नियमांसाठी ओळखलं जातं. त्यामुळे वाहन चालकांना दुबईमध्ये ड्रायव्हिंग करताना चांगलीच कसरत करावी लागते. परंतु, नुकत्याच आलेल्या बातमीनुसार रस्त्यावरुन चालताना ट्राफिकच्या नियमांचे उल्लंघन केल्यामुळे 37 जणांवर पोलिसांनी कारवाई केली आहे.

गल्फ न्यूज ने दिलेल्या वृत्तानुसार, धोकादायक पद्धतीने रस्ता क्रॉस करने आणि ट्राफिक सिग्नलकडे दुर्लक्ष केल्या प्रकरणी दुबई पोलिसांनी 37 लोकांवर कारवाई केली आहे. त्यांच्यावर कडक कारवाई करण्यात आली असून 400 युएइ दिरहामचा दंड ठोठावला आहे. दुबईमध्ये Jay walking चा कडक कायदा आहे. जे वॉकिंग म्हणजे ट्राफिकच्या नियमांचे उल्लंघन करून धोकादायक पद्धतीने रस्ता क्रॉस करणे होय. याप्रकरणी दुबईमध्ये 2023 साली तब्बल 44 हजार नागरिकांवर कारवाई करण्यात आली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.