झारखंड मुक्ती मोर्चा आणि काँग्रेसमधले जागावाटप ठरले, मित्रपक्षांनाही सोडणार काही जागा

महाराष्ट्रासह झारखंडमध्येही विधानसभा निवडणूक होऊ घातली आहे. झारखंडमध्ये झारखंड मुक्ती मोर्चा आणि काँग्रेसची युती झाली असून त्यांच्यात जागावाटपही झाले आहे. झारखंडमध्ये 81 जागांपैकी 70 जागांवर झारखंड मुक्ती मोर्चा आणि काँग्रेस निवडणूक लढवेल. तर उर्वरित जागांवर राजद, सीपीएम आणि इतर पक्ष निवडणूक लढवतील.

असे असले तरी झारखंड मुक्ती मोर्चा आणि काँग्रेस नेमक्या किती जागा लढवतील हे अजून स्पष्ट झालेले नाही. झारखंड मुक्ती मोर्चाचे अध्यक्ष आणि मुख्यमंत्री हेमंत सोरे यांनी काँग्रेच्या झारखंडचे प्रभारी गुलाम अहमद मीर यांच्या उपस्थितीत जागावाटपाची घोषणा केली होती. यावेळी राजद आणि डाव्या पक्षांचे नेते उपस्थित नव्हते.

जागावाटपाबद्दल मित्रपक्षांची चर्चा सुरू असल्याची माहिती मुख्यमंत्री सोरेन यांनी दिली आहे. तसेच राजद आणि डाव्या पक्षांशी चर्चा झाल्यानंतर काँग्रेस आणि झारखंड मुक्ती मोर्चा नेमक्या किती जागांवर आणि कुठल्या जागांवर लढेल हे स्पष्ट होईल असेही सोरेन म्हणाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.