Panchkula Bus Accident – शालेय विद्यार्थ्यांची बस दरीत कोसळली; अपघातात 15 जखमी, बचावकार्य सुरू

शालेय मुलांच्या बसला मोठा अपघात झाला आहे. बस दरीत कोसळून मोठी दुर्घटना घडली आहे. या घटनेनंतर बचावकार्य सुरू करण्यात आले आहे. 15 विद्यार्थी जखमी असल्याची प्रथामिक माहिती आहे.

हरयाणातील पंचकुलामध्ये मोरनी हिल्सला भेट देणाण्यासाठी जात असलेल्या शाळकरी मुलांच्या बसला मोरनीजवळ टिक्कर ताल येथे थळ गावाजवळ अपघात झाला. मिळालेल्या माहितीनुसार, चालकाने बस भरधाव वेगात चालवल्याने हा अपघात झाला. अपघातानंतर लगेचच स्थानिक प्रशासनाने जखमींना बाहेर काढण्यास सुरुवात केली. या अपघातात चालक गंभीर जखमी झाला आहे.

बस अपघातात सुमारे 10 ते 15 विद्यार्थी जखमी झाले आहेत. उपचारासाठी मोरनी येथील प्राथमिक आरोग्य केंद्रात दाखल करण्यात आले आहे. त्याचबरोबर काही मुलांना पंचकुलाच्या सेक्टर 6 सिव्हिल हॉस्पिटलमध्येही उपचारासाठी रवाना करण्यात आले आहे. पोलिसांनी घटनास्थळ गाठून या प्रकरणाचा तपास सुरू केला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.