श्री संत गाडगे महाराज पुतळय़ाची अक्षम्य दुरवस्था

मुंबई महानगरपालिकेच्या अखत्यारीतील सातरस्ता जंक्शनवर असलेल्या श्री संत गाडगे महाराज पुतळय़ाची दुरवस्था झाल्याने नागरिकांमधून प्रचंड संताप व्यक्त होत आहे. या पुतळय़ाचा रंग अनेक ठिकाणी उडाला असून पुतळय़ाचा चेहराही काळवंडला आहे. पुतळय़ावरील मेघडंबरीवर छोटी झाडे उगवली असून पुतळय़ाच्या परिसरात अस्वच्छताही पसरली आहे. शिवाय पुतळय़ालगतच्या भिंतींचा रंगही काळवंडला आहे. यातच 20 डिसेंबरला श्री संत गाडगे महाराज पुण्यतिथी असल्याने प्रशासनाने याकडे लक्ष देऊन तातडीने डागडुजी, रंगरंगोटी आणि स्वच्छता करण्याची मागणी नागरिकांच्या वतीने शिवसेनेचे माजी नगरसेवक प्रकाश आयरे यांनी केली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.