तानाजी सावंतांच्या सुरक्षारक्षकाचा हलगर्जीपणा, बंदुकीतून गोळी सुटल्याने 13 वर्षांचा मुलगा जखमी

मिंधे गटाचे मंत्री तानाजी सावंत यांच्या सुरक्षारक्षकाने केलेल्या हलगर्जीपणामुळे त्याच्याच 13 वर्षांच्या मुलाच्या पायात गोळी लागली आहे. त्यामुळे मुलगा जबर जखमी झाला असून त्याला तत्काळ रुग्णालयात दाखल करण्यात आले आहे.

मिळाळलेल्या माहितीनुसार, तानाजी सावंत यांचे सुरक्षारक्षक नितीन शिर्के धनकवडीतील बंगल्यावर सुरक्षारक्षक म्हणून काम करतात. नितीन शिर्के याच्याकडे बंदुकीचा परवाना आहे. त्यांनी बंदुकीमध्ये गोळ्या भरून बंदुक बॅगेत आणि बॅग घरातील कपाटात ठेवली होती. याच दरम्यान, मुलाने कपडे घालण्यासाठी कपाट उघडले असता बॅग खाली पडली व बंदुकीतून गोळी सुटून 13 वर्षांच्या अभय शिर्के याच्या उजव्या पायाच्या पोटरीला लागली. त्यामुळे त्याच्या पायाला गंभीर जखम झाली आहे. त्याला तत्काळ रुग्णालयात दाखल करण्यात आले आहे. रुग्णालयात दाखल करण्यात आल्यानंतर सदर घटनेची माहिती पोलिसांना देण्यात आली. सदर घटना नितीन शिर्के यांच्या हलगर्जीपणामुळे घडली आहे. त्यामुळे पोलिसांनी नितीन शिर्के यांच्यावर गुन्हा दाखल केला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.