शंभर टक्के मतदान करा आणि मराठ्यांचा घात करणाऱ्यांना धडा शिकवा! मनोज जरांगे यांचे आवाहन

आचारसंहिता लागण्यापूर्वी सरकारला मराठा समाजाच्या मागण्या मान्य करण्याची संधी होती, पण ज्यांना मराठ्यांनी सत्तेच्या सिंहासनापर्यंत नेले, त्यांनीच मराठ्यांचा घात केला आहे. त्यामुळे ही विधानसभा निवडणूक मराठा समाजासाठी पर्वणीच असून मराठ्यांनी शंभर टक्के मतदान करून फसवणूक करणाऱ्यांना धडा शिकवावा, असे आवाहन मनोज जरांगे पाटील यांनी केले.

केंद्रीय निवडणूक आयोगाने महाराष्ट्र विधानसभेचा निवडणूक कार्यक्रम जाहीर केल्यानंतर मनोज जरांगे पाटील यांनी पत्रकारांशी संवाद साधून आपली भूमिका स्पष्ट केली. आचारसंहिता लागण्यापूर्वी सरकार मराठा आरक्षणावर निर्णय घेऊ शकत होते. परंतु उपमुख्यमंत्री देवेंद्र फडणवीस यांचा मराठाद्वेष आडवा आला, असा आरोप जरांगे यांनी केला. ज्यांनी मराठ्यांची फसवणूक केली, त्यांची या निवडणुकीत जिरवण्यासाठी मराठा समाजाने उत्स्फूर्तपणे मतदान करावे, असे आवाहन त्यांनी केले. ही लढाई मराठ्यांच्या प्रतिष्ठेची तसेच अस्मितेची आहे, असेही जरांगे म्हणाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.