मुंबई सेंट्रलजवळ लोकल घसरली, पश्चिम रेल्वे विस्कळीत

मुंबई सेंट्रल येथून कारशेडमध्ये शिरताना लोकलचे दोन डबे रुळावरून घसरल्याची घटना आज दुपारी घडली. त्यामुळे संपूर्ण लोकल वाहतूक विस्कळीत झाली आणि सुट्टीच्या दिवशी कुटुंबकबिल्यासह नातेवाईकांकडे निघालेल्या मुंबईकरांचे प्रचंड हाल झाले.

दुपारी 12 वाजून 10 मिनिटांच्या सुमारास मुंबई सेंट्रलजवळ लोकलचे दोन डबे रुळावरून घसरले. ही लोकल कारशेडमध्ये शिरत असल्यामुळे रिकामी होती. त्यामुळे कुणीही जखमी झाले नाही किंवा जीवितहानी झाली नाही, अशी माहिती पश्चिम रेल्वेचे मुख्य जनसंपर्क अधिकारी विनीत अभिषेक यांनी दिली.

ट्रक ब्लॉक केल्याने मेगाहाल

लोकलचे डबे घसरल्यानंतर चर्चगेट ते मुंबई सेंट्रलदरम्यान दादरच्या दिशेने जाणारा धीम्या मार्गावरील लोकल ट्रक ब्लॉक करण्यात आला आणि चर्चगेट आणि मुंबई सेंट्रल या दोन स्थानकांदरम्यान जलद मार्गावरून गाड्या पाठवल्या गेल्या. परंतु धीम्या मार्गावरून प्रवास करणाऱ्या आणि प्रभादेवी, लोअर परेल, महालक्ष्मी या रेल्वे स्थानकांवर उतरणाऱ्या प्रवाशांची मात्र प्रचंड तारांबळ उडाल्याचे चित्र होते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.