गुजरातमध्ये मातीचा ढिगारा अंगावर कोसळून सात मजुरांचा मृत्यू, बचाव कार्य सुरू

इमारतीत बांधकामाच्या ठिकाणी मातीचा ढिगारा अंगावर कोसळल्याने सात मजुरांचा दबून मृत्यू झाल्याची घटना गुजरतमधील मेहसाना जिल्ह्यात घडली. आणखी काही कामगार ढिगाऱ्याखाली अडकल्याची भीती व्यक्त करण्यात येत आहे. घटनास्थळावर बचाव कार्य सुरू आहे.

मेहसाना येथे एका इमारतीत एका खासगी कंपनीमार्फत भूमिगत टँकच्या खड्डा खोदण्याचे काम सुरू होते. यावेळी मातीचा ढिगारा मजुरांच्या अंगावर कोसळल्याने दुर्घटना घडली. जेसीबीच्या सहाय्याने मातीचा ढिगारा हटवण्याचे काम सुरू आहे.

घटनेची माहिती मिळताच स्थानिक पोलीस आणि बचाव पथक घटनास्थळी दाखल झाले. बचाव कार्य सुरू आहे. आतापर्यंत सात मजुरांचे मृतदेह बाहेर काढण्यात आले असून आणखी काही मजुर ढिगाऱ्याखाली अडकल्याची शक्यता वर्तवण्यात येत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.