लाडक्या बहिणीला शिव्या घालणाऱ्या भरत गोगावलेंवर कारवाई करून दाखवा; वडेट्टीवारांचं मुख्यमंत्र्यांना आव्हान

मिंधे गटाचे आमदार भरत गोगावले यांनी भरसभेत महिलांबद्दल अपशब्द काढले. त्यावरून गोगावले यांच्यावर चौफेर टीका होत आहे. आता एकनाथ शिंदे आणि त्यांच्या फेकसेनेचा हा खरा चेहरा आहे अशी टीका काँग्रेस नेते विजय वडेट्टीवार यांनी केली आहे. तसेच बहिणीची अब्रू महत्वाची की खुर्चीसाठी तुम्हाला पाठिंबा देणारा आमदार महत्वाचा हे आज राज्याला दाखवून द्या असे आव्हानही वडेट्टीवार यांनी दिले.

एका सभेत बोलताना भरत गोगावले म्हणाले की तुम्हाला काम करणारा भाऊ हवाय की &^%$ बनवणारी बहीण हवीये. या विधानवरून गोगावले यांच्यावर चौफेर टीका झाली. आता राज्याचे विरोधी पक्षनेते आणि काँग्रेस नेते विजय वडेट्टीवार यांनी टीका केली आहे.

एक्सवर पोस्ट करून वडेट्टीवार म्हणाले की, एकनाथ शिंदे आणि त्यांच्या फेकसेनेचा हा खरा चेहरा आहे! मतांसाठी मुख्यमंत्री लाडकी बहिण म्हणून इव्हेंट करत आहे. दुसरीकडे त्यांच्या पक्षाचा आमदार एका महिलेला भर सभेत शिव्या घालत आहे. मुख्यमंत्री महोदय, तुमच्या लाडक्या बहिणीला शिव्या घालणाऱ्या भरत गोगावले यांच्यावर कारवाई करून दाखवा. बहिणीची अब्रू महत्वाची की खुर्चीसाठी तुम्हाला पाठिंबा देणारा आमदार महत्वाचा हे आज राज्याला दाखवून द्या असे आव्हान वडेट्टीवार यांनी दिले आहे.

एकनाथ शिंदे आणि त्यांच्या फेकसेनेचा हा खरा चेहरा आहे!

मतांसाठी मुख्यमंत्री लाडकी बहिण म्हणून इव्हेंट करत आहे. दुसरीकडे त्यांच्या पक्षाचा आमदार एका महिलेला भर सभेत शिव्या घालत आहे.

मुख्यमंत्री महोदय, तुमच्या लाडक्या बहिणीला शिव्या घालणाऱ्या भरत गोगावले यांच्यावर कारवाई करून… pic.twitter.com/wHskj5QbAx

— Vijay Wadettiwar (@VijayWadettiwar) October 11, 2024

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.