अरे रे रे! मुलतान कसोटीत इंग्लंडने पाकिस्तानचा फडशा पाडला, लाजीरवाणा विक्रम केल्याने पाकची नाचक्की

इंग्लंड आणि पाकिस्तान यांच्यामध्ये सुरू असलेल्या तीन सामन्यांच्या कसोटी मालिकेतील पहिला कसोटी सामना मुलतानमध्ये खेळवला गेला. या सामन्यात इंग्लंडच्या संघाने पाकिस्तानचा अक्षरश: धुरळा उडवला आहे. पहिल्या डावात 556 धावा करूनही पाकिस्तानचा एक डाव आणि 47 धावांनी पराभव झाला आहे.

मुलतानमध्ये खेळवण्यात आलेल्या पहिल्या कसोटी सामन्यात प्रथम फलंदाजी करताना पाकिस्तानने 556 धावा केल्या होत्या. मात्र प्रत्युत्तरात इंग्लंडने पाकिस्तानी गोलंदाजांना भर दिवसा तारे दाखवले आणि 823 धावांचा डोंगर उभा केला. मात्र इंग्लंडने उभा केलेला डोंगर भेदून काढणं पाकिस्तानी फलंदाजांना काही जमलं नाही. इंग्लंडच्या गोलंदाजांनी केलेल्या भेदक माऱ्यापुढे पाकिस्तानी फलंदाज पत्त्यांसारखे कोसळले. सामन्याच्या चौथ्या दिवशी पाकिस्तानची धावसंख्या सहा विकेट्स गमावत 152 अशी होती. सामन्याच्या शेवटच्या दिवशी 220 धावांवर इंग्लंडने पाकिस्तानचा गाशा गुंडाळला. अशा पद्धतीने पाकिस्तानचा एक डाव आणि 47 धावांनी लाजीरवाना पराभव झाला.

पाकिस्तानच्या धर्तीवर इंग्लंडचा जलवा, 66 वर्ष जुना विक्रम केला उद्ध्वस्त; असा पराक्रम करणारा ठरला एकमेव संघ

विशेष म्हणजे पाकिस्तानने हा सलग सहावा कसोटी सामना गमावला आहे. या पराभवासोबत पाकिस्तानने एक लाजीरवाना विक्रम आपल्या नावावर केला आहे. पहिल्या डावात 500 हून अधिक धावा करूनही सामना हरणारी पाकिस्तान कसोटी क्रिकेटच्या इतिहासातील पहिली टीम ठरली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.