कर्नाटकात भाजपकडून कोविड घोटाळा, काँग्रेसकडून SIT स्थापन

कर्नाटकचे माजी मुख्यमंत्री बी एस येडियुरप्पा यांच्या काळात कोविडमध्ये सात हजार 223 कोटी रुपयांचा घोटाळा झाला होता. ता काँग्रेस सरकारने या घोटाळ्याची चौकशी करण्यासाठी एसआयटी नेमली आहे.

उच्च न्यायालयाचे न्यायाधीश जॉन मायकल यांनी मुख्यमंत्री सिद्धारामय्या यांच्याकडे एक अहवाल सादर केला होता. त्यानंतर कॅबिनेटमध्ये या घोटाळ्यावर एसआयटी नेमण्याचा निर्णय घेण्यात आला आहे. कोविड काळात अनेक वैद्यकीय उपकरणं घेण्यात आली त्यात मास्क, औषधं, ऑक्सिजन सिलिंडर आणि पीपीई किट घेताना सरकारकडून कुठलीच परवानगी घेण्यात आली नव्हती. तसेच या काळात कोरोनामुळे झालेल्या मृतांच्या आकड्यांतही फेरफार केल्याचा आरोप आहे.

या एसआयटीसोबत आणखी एक उपसमिती नेमण्यात आली आहे. त्यात या उपकरणांच्या किंमतीबद्दल आणि ज्या अधिकाऱ्यांनी ही उपकरणं विकत घेण्याचे आदेश दिले त्यांची चौकशी करण्यात येणार आहे. यात ज्या कंपन्या दोषी आढळल्या जातील त्यांना ब्लॅकलिस्ट केले जाईल असे सरकारने म्हटले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.