आरबीआयची दसरा भेट, यूपीआय लाइटवरून आता पाच हजारांपर्यंत पेमेंट्स

देशभरात डिजिटल पे करण्याची संख्या दिवसेंदिवस वाढत आहे. यूपीआय असो किंवा यूपीआय लाइट असो या दोन्हींचा वापर वाढला आहे. यामुळे यूपीआय लाइटवरून पेमेंट करण्याची मर्यादा आता वाढवण्यात आली आहे. यूपीआय लाइट वॉलेटची मर्यादा दोन हजार रुपयांवरून वाढून पाच हजार रुपये करण्यात आली आहे, तर यूपीआय 123 पे वरून ट्रान्झॅक्शन करण्याची मर्यादा पाच हजारांवरून दुप्पट म्हणजेच दहा हजार करण्यात आली आहे. त्यामुळे आता यूपीआय लाइट वॉलेटवरून पाच हजारांपर्यंत पेमेंट करता येणार आहे.

भारतीय रिझर्व्ह बँकेचे गव्हर्नर शक्तिकांत दास यांनी आजच्या बैठकीत या बदलाची घोषणा केली आहे. आरबीआयने यूपीआयवरून टॅक्स भरण्याची मर्यादासुद्धा वाढवली आहे. यूपीआयवरून आता पाच लाख रुपयांपर्यंत टॅक्स भरता येऊ शकणार आहे. याआधी टॅक्स भरण्याची मर्यादा केवळ एक लाख रुपये होती.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.