सूरज चव्हाणला रितेश भाऊचा सुखद धक्का, ‘बिग बॉस’ विजेत्याच्या दिमतीला आता पीए

‘झापुकझुपुक’ फेम सूरज चव्हाण याने बिग बॉसची ट्रॉफी जिंकली. अतिशय गरीब कुटुंबातून आलेल्या सूरजचे यश मोठे आहे. आईवडीलांचे छत्र हरवलेला, शिक्षण न मिळालेल्या सूरजला सोशल मीडियामुळे प्रसिद्धी मिळाली. तो रिल स्टार आहे. बिग बॉस जिंकल्यानंतर शोचे होस्ट रितेश देशमुख याने सूरजला खास गिफ्ट दिले. त्यांनी सूरजला एक पीए दिला आहे. याबद्दल मुलाखतीत सूरज म्हणाला, रितेश सरांनी मला खूप पाठिंबा दिला. त्यांनी मला त्यांच्याजवळचा एक पीए दिला आहे. रितेश सर म्हणाले स्वतःची काळजी घे. सगळ्या गोष्टी नीट समजून घे. मी एक माणूस देतो, त्याच्या कायम संपर्कात राहायला त्यांनी मला सांगितले. टिकटॉक आणि इन्स्टाग्रामवर रिल स्टार असणाऱ्या सूरजची एकेकाळची कमाई 80 हजार रुपये होती. पण अशिक्षित असल्यामुळे अनेकांनी त्याची फसवणूक केली. यावेळी त्याची फसवणूक होऊ नये म्हणून रितेश देशमुख याने घेतलेल्या निर्णयाचे सर्वत्र कौतुक होत आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.