Satara Drunk & Drive : विरूद्ध दिशेने आलेल्या कारने आधी चिमुरडीला चिरडले, मग दुचाकींना धडक

विरुद्ध दिशेने आलेल्या मद्यधुंद कार चालकाने पाचवीत शिकणाऱ्या मुलीला चिरडल्याची संतापजनक घटना सोमवारी सायंकाळी साताऱ्यात घडली. कोरेगाव तालुक्यातील कोलवडी येथे हा अपघात झाला. जान्हवी जगदाळे असे मयत मुलीचे नाव आहे. मुलीला चिरडल्यानंतर कारने दुचाकींनाही धडक दिली. यात दोघे जखमी झाले. घटनेनंतर आरोपी फरार झाला.

याप्रकरणी कोरेगाव पोलीस ठाण्यात अज्ञात वाहनाविरोधात गुन्हा दाखल करण्यात आला आहे. पोलीस आरोपीचा शोध घेत आहेत. दरम्यान, ड्रंक अँड ड्राईव्हचे प्रकरण असूनही पोलिसांनी प्रकरण गांभीर्याने घेतले नसल्याचा आरोप मुलीच्या कुटुंबीयांनी केला आहे.

सुरवातीला आरोपीला अटक केल्यालशिवाय मृतदेह ताब्यात घेणार नसल्याचा पवित्रा नातेवाईकांनी घेतला होता. मात्र अधिकाऱ्यांनी समजूत काढल्यानंतर नातेवाईकांनी मृतदेह ताब्यात घेतला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.