लाईव्ह व्हिडीओ बनवत पोलिसाची आत्महत्या

मीरा रोडमधील एका पोलीस शिपायाने लाईव्ह व्हिडीओ बनवत आत्महत्या केल्याचा धक्कादायक प्रकार उघडकीस आला आहे. सागर अथनीकर असे आत्महत्या केलेल्या पोलीस शिपायाचे नाव आहे. त्याने ही आत्महत्या का केली याचे कारण अद्याप स्पष्ट झालेले नाही, परंतु बनवलेल्या लाईव्ह व्हिडीओमध्ये मी जीवनाला कंटाळलो असून माझी कोणाच्याही विरोधात तक्रार नसल्याचे सांगितले आहे.

सागर हा मूळचा सांगलीच्या जतमधील बेळुंखी तालुक्यात राहणारा आहे. 2023 मध्ये तो मीरा-भाईंदर, वसई-विरार पोलीस आयुक्तालयात पोलीस शिपाई पदावर कार्यरत होता. तो अपना घर गृहसंकुलात सहकारी पोलिसासोबत भाड्याने राहत होता. रविवारी संध्याकाळी सागर रूममध्ये झोपायला गेला. मात्र सहकारी पोलीस मित्र त्याला उठवण्यासाठी गेला असता तेथे सागरने पंख्याला गळफास घेऊन आत्महत्या केल्याचे दिसून आले. त्याने खिडकीवर मोबाईलवरून व्हिडीओ शूटिंग केले असल्याचे पाहून सहकारी पोलिसाने ही माहिती काशीगाव पोलिसांना दिली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.