इंडिगोचे सर्व्हर डाऊन, विमानसेवा ठप्प झाल्याने देशभरात प्रवासी अडकले

इंडिगो एअरलाईनचे शनिवारी सर्व्हर डाऊन झाल्यामुळे विमानसेवा ठप्प झाली. यामुळे इंडिगोने प्रवास करणाऱ्या प्रवाशांना नाहक त्रास होत आहे. विमानसेवा ठप्प झाल्याने देशभरातील विविध विमानतळांवर प्रवाशी अडकून पडले आहेत. शनिवारी दुपारी 12.30 वाजल्यापासून इंडिगोची सेवा ठप्प झाली आहे.

सर्व्हर डाऊनमुळे केवळ विमानांच्या उड्डाणांवरच नाही तर ग्राऊंड सर्व्हिसवरही त्याचा परिणाम झाला आहे. यामुळे प्रवाशांनी डिजीसीएकडे मदतीची याचना केली आहे. दरम्यान सेवा ठप्प झाल्यामुळे प्रवाशांना नाहक झालेल्या नाहक त्रासाबद्दल एअरलाईनने माफी मागितली आहे.

कंपनीच्या सर्व्हरमध्ये समस्या निर्माण झाल्याने इंडिगोची वेबसाईट आणि बुकिंग सिस्टम बंद आहे. यामुळे प्रवाशांना चेक इन करण्यासाठी जास्त वेळ वाट पहावी लागेल. आमची टीम तांत्रिक समस्या सोडवण्यासाठी युद्धपातळीवर प्रयत्न करत आहेत. प्रवाशांना झालेल्या गैरसोयीबद्दल आम्ही दिलगिरी व्यक्त करतो. लवकरच सेवा पूर्ववत करण्यात येईल, असे एअरलाईनकडून सांगण्यात आले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.