‘महिलांचे हक्क व कायदे’ विषयावर षण्मुखानंद हॉलमध्ये आज शिबीर

शिवसेना कायदेविषयक अंगीकृत संघटना शिव विधी व न्याय सेना, महाराष्ट्रच्या वतीने उद्या, 5 ऑक्टोबरला नवरात्रीनिमित्त महिलांच्या सक्षमीकरणाच्या उद्देशाने ‘महिलांचे हक्क आणि त्यांची अंमलबजावणी करण्यासाठी कायदे’ या विषयावर शिबीर आयोजित करण्यात आले आहे. हा कार्यक्रम मांटुगा येथील लायन डॉ. अशोक मेहता सभागृहात, षण्मुखानंद हॉल येथे सहाव्या मजल्यावर सायंकाळी 4 ते 7 या वेळेत होणार आहे. या कार्यक्रमाला रश्मी ठाकरे, शिवसेना उपनेत्या-खासदार प्रियंका चतुर्वेदी, शिवसेना उपनेत्या विशाखा राऊत, किशोरी पेडणेकर, सुषमा अंधारे आणि काँग्रेस पक्षाच्या खासदार वर्षा गायकवाड यांची मुख्य उपस्थिती असणार आहे.

कार्यक्रमाच्या अध्यक्षस्थानी संघटनेच्या उपाध्यक्ष अॅड. सुरेखा गायकवाड असणार आहेत. यावेळी त्यांच्यासह संघटनेचे अध्यक्ष अॅड. नीतिश सोनावणे, चिटणीस अॅड. सुमित घाग, चिटणीस अॅड. ज्ञानेश्वर कवळे, मुख्य समन्वयक अॅड. भूषण मेंगडे, महाराष्ट्र सदस्य अॅड. गिरीश दिवाणजी, मीडिया समन्वयक अॅड. दर्शना जोगदनकर यांच्यासह संघटनेचे वकील पदाधिकारी उपस्थित राहणार आहेत. यावेळी महिला आघाडीच्या वतीने आणि विविध शाखांमधून मोठय़ा संख्येने महिला उपस्थित राहणार आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.