मोठी बातमी: संजय राठोड यांच्या गाडीला भीषण अपघात, धडकेत पिकअप चालक गंभीर जखमी

महायुती सरकारमधील मंत्री तसेच यमतमाळ जिल्ह्याचे पालकमंत्री संजय राठोड यांच्या गाडीचा भीषण झाला आहे. अपघातानंतर गाडीतील एअरबॅग्ज खुल्या झाल्यामुळे संजय राठोड बचावल्याचे कळत आहे. आतापर्यंतच्या माहितीनुसार यवतमाळच्या आर्णी जवळील कोपरा येथे संजय राठोड यांच्या वाहनाने बुलोरो पिकअप वाहनाला जोरदार धडक दिल्याने हा अपघात झाला आहे. या धडकेत बुलोरो पिकअप वाहनाचा चालक गंभीर जखमी झाला आहे.

पोहरागड वरून यवतमाळकडे पालकमंत्री संजय राठोड जात असताना दिग्रस ते आर्णी मार्गावर असलेल्या कोपरा गावाजवळ पालकमंत्र्यांच्या वाहनाने समोरच्या वाहनाला धडक दिल्याने मालवाहतूक बोलोरो पिकप पलटी झाली आणि त्यातील चालकाच्या डोक्याला गंभीर दुखापत झाली. या घटनेत कोणतीही जीवितहानी झालेली नाही. पालकमंत्र्यांच्या वाहनाचा समोरचा भाग संपूर्ण झाला चकणाचूर झाला आहे.

अपघात सुमारे दोन वाजून दहा मिनिटांनी झाल्याची मिळत आहे.

पंतप्रधान नरेंद्र मोदी हे पोहरा देवीच्या दर्शनाला 5 तारखेला येणार आहेत. या कार्यक्रमाच्या नियोजनासाठी संजय राठोड हे पोहरादेवी येथे गेले होते. ते रात्रीपोहरादेवी येथून निघाले आणि यवतमाळकडे जात होते. मात्र याप्रवासादरम्यान आर्णी येथील कोपरा गावाजवळ संजय राठोड यांच्या वाहनाने समोरच्या पिकअपला धडक दिली आणि अपघात झाला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.