कोणी पैसे देत का पैसे! पाकिस्तानी खेळाडूंचे बेकार हाल, चार महिन्यांपासून पगारच मिळाला नाही

पाकिस्तान क्रिकेट बोर्ड (PCB) गेल्या काही महिन्यांपासून विविध कारणांमुळे चर्चेत आहे. आगामी चॅम्पियन्स ट्रॉफीसाठी पीसीबी बक्कळ पैसा स्टेडियम बनवण्यासाठी खर्च करत आहेत. मात्र दुसरिकडे पाकिस्तानी खेळाडूंना (पुरुष आणि महिला) मागिल चार महिन्यांपासून पगार मिळाला नसल्याची माहिती समोर आली आहे.

पाकिस्तानातील वृत्तवाहिन्यांनी दिलेल्या माहितीनुसार, पाकिस्तानी खेळाडूंना मागील चार महिन्यांपासून पगार मिळालेला नाही. त्यामुळे आता खेळाडूंच्या अडचणी वाढल्या आहेत. मात्र दुसरिकडे 2025 मध्ये पाकिस्तानमध्ये होणाऱ्या ICC Champions Trophy च्या आयोजनासाठी पीसीबी स्टेडियम तयार करण्यावर बक्कळ पैसा खर्च करत आहे. क्रिकबजने दिलेल्या वृत्तानुसार, महिला टी-20 विश्वचषकामध्ये पाकिस्तानी महिलांचा संघ सहभागी झाला आहे. मात्र त्यांना सुद्धा मागील चार महिन्यांपासून पगार मिळालेला नाही. महिला खेळाडूंचा करार ऑगस्ट 2023 पासून जून 2025 पर्यंत आहे. मात्र जून 2024 पासून आतापर्यंत त्यांना पगार मिळालेला नाही.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.