लेबनानमधील पेजर स्फोटानंतर आता इराणला iPhone स्फोटाचा धोका!

लेबनॉनमधील पेजर स्फोटानंतर आता इराणमध्ये आयफोन ब्लास्ट होण्याची भीती व्यक्त करण्यात येत आहे. इराणचे माजी मंत्री आणि खासदार रजा तगीपूर यांनी स्फोटाची शंका उपस्थित केली आहे. ज्याप्रमाणे लेबनॉनमध्ये पेजरमध्ये स्फोट झाले त्याप्रमाणे इराणमध्येही आयफोनमध्ये स्फोट होऊ शकतात, असे रजा तगीपूर यांनी म्हटले आहे.

काही दिवसांपूर्वी लेबनॉनमध्ये पेजर आणि वॉकी-टॉकीजच्या स्फोटांच्या घटना घडल्या आहेत. तसेच रेडिओ सिस्टम हॅक झाल्याची प्रकरणे समोर आली आहेत. यामध्ये इराणच्या राजदूतासह रिव्होल्युशनरी गार्डचे अनेक जवान देखील जखमी झाले होते.

लेबनॉनमध्ये हिजबुल्लाहच्या प्रमुखाचा खात्मा केल्यानंतर इस्रायल आता पश्चिम आशियातील मोठ्या क्षेत्राशी जोडण्याचा प्रयत्न करीत आहे. तसे झाल्यास इराणचे सर्वात जास्त नुकसान होईल. इराणने आपले मित्रपक्ष स्थापन करण्यासाठी वर्षानुवर्षे गुंतवणूक केली आहे.

इस्रायली गुप्तहेर लेबनॉनमधील गुप्त सेवा प्रमुख

लेबनॉनमध्ये हिजबुल्लाह प्रमुख हसन नसरल्लाहच्या हत्येनंतर इराणच्या सर्वोच्च नेत्याला सुरक्षित स्थळी नेण्यात आल्याची बातमीही आली होती. अलीकडेच इराणचे माजी राष्ट्राध्यक्ष महमूद अहमदीनेजाद यांनी धक्कादायक खुलासा करताना इराणच्या गुप्त सेवेचा प्रमुख इस्रायली गुप्तहेर असल्याचा दावा केला होता.

या धक्कादायक खुलाशामुळे अनेक प्रश्न उपस्थित होत आहेत. हमासचे संपर्क प्रमुख इस्माइल हनीयेह यांचा मृत्यूही गूढ बनला आहे. 2021 मध्ये त्याची मोसाद एजंट 2021 असल्याचे उघड झाले होते. यानंतर इराणमध्ये किती इस्रायली हेर कार्यरत असू शकतात याबाबत चिंता वाढली आहे.