अभिनेता रणवीर सिंग आणि अभिनेत्री दीपिका पादुकोण यांनी काही दिवसांपूर्वी गोंडस मुलीचं जगात स्वागत केलं. मुलीच्या जन्मानंतर दीपिका आणि रणवीर दोघे देखील कॅमेऱ्यापासून दूर होते. दीपिका कॅमेऱ्यापासून दूर असली तरी सोशल मीडियावर कायम सक्रिय असते. सोशल मीडियाच्या माध्यमातून अभिनेत्री चाहत्यांच्या संपर्कात राहते. पण बाप झाल्यानंतर रणवीर पहिल्यांदा कॅमेऱ्या समोर आला आणि आनंद व्यक्त केला.
सध्या रणवीर सिंग याचा एक व्हिडीओ सध्या सोशल मीडियावर तुफान व्हायरल होत आहे. एका कार्यक्रमात रणवीर याला स्पॉट करण्यात आलं. कार्यक्रमात पापाराझींना पाहताच अभिनेता त्यांच्याकडे आला आणि ‘बाप झालो रे…’ असं मोठ्या आनंदात म्हणाला. सध्या सोशल मीडियावर रणवीर याचा व्हिडीओ तुफान चर्चेत आहे.
व्हिडीओमध्ये रणवीर याने आनंद चाहत्यांसोबत देखील शेअर केला. विरेंद्र चावला याने इन्स्टाग्रामवर अभिनेत्याचा एक व्हिडीओ पोस्ट केले आहे. व्हिडीओवर चाहते लाईक्स आणि कमेंटचा वर्षावर करत प्रेम व्यक्त करताना दिसत आहे. एक नेटकरी कमेंट करत म्हणाला, ‘डॅशिंग डॅड…’, अन्य एक नेटकरी म्हणाला, ‘तो म्हणाला बाप झालो रे… अभिनेता प्रचंड आनंदी आहे.’, तर अनेकांनी अभिनेत्याला शुभेच्छा देखील दिल्या.
दीपिका आणि रणबीर यांनी सोशल मीडियाच्या माध्यमातून मुलीचा जन्म झाल्याची माहिती दिल्यानंतर फक्त चाहत्यांनीच नाही तर, सेलिब्रिटींनी देखील दोघांवर शुभेच्छांचा वर्षाव केला. 8 सप्टेंबर रोजी दीपिका हिने मुलीला जन्म दिला.
दीपिका पादुकोण – रणवीर सिंग यांचे आगामी सिनेमे
दीपिका पादुकोण – रणवीर सिंग यांच्या आगामी सिनेमांबद्दल सांगायचं झालं तर, दोघे देखील दिग्दर्शक रोहीत शेट्टी याच्या ‘सिंघम अगेन’ सिनेमातून चाहत्यांच्या भेटीस येणार आहेत. सिनेमाचे काही पोस्टर देखील दीपिका – रणवीर यांनी सोशल मीडियावर पोस्ट केले आहेत. सिनेमात दोघांसोबत अजय देवगन, अक्षय कुमार, अर्जुन कपूर, करीना कपूर, टायगर श्रॉफ यांच्यासोबत अन्स सेलिब्रिटी देखील झळकणार आहेत.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List