सुपरहीट सिनेमा पाहताना चाहत्याचा अचानक मृत्यू, सीसीटीव्ही फुटेज समोर येताच खळबळ

आवडत्या सेलिब्रिटीचा सिनेमा प्रदर्शित झाल्यानंतर चाहते चित्रपटगृहात गर्दी करतात आणि सिनेमाचा आनंद घेत अभिनेता, अभिनेत्रीवर असलेलं प्रेम व्यक्त करतात. आता देखील एक चाहता सिनेमा पाहण्यासाठी चित्रपटगृहात पोहोचला पण घरी परतलाच नाही. सिनेमाचा आनंद लुटत असताना चाहत्यांचं निधन झालं. ज्यामुळे चित्रपटगृहात मोठी खळबळ माजली. अभिनेता ज्यूनियर एनटीआर आणि अभिनेत्री जान्हवी कपूर स्टारर ‘देवरा’ सिनेमा पाहण्यासाठी चित्रपटगृहात गेलेल्या एका चाहत्यांचं अचानक निधन झालं आहे. घटनेचे सीसीटीव्ही फुटेज देखील समोर आले आहेत. तेव्हा नक्की काय झालं जाणून घेऊ…

संबंधित प्रकरण आंध्र प्रदेशातील कडप्पा येथील आहे. ‘देवरा’ सिनेमा पाहण्यासाठी गेलेल्या चाहत्यांचं निधन झालं आहे. चाहत्याचं नाव मस्तान असं आहे. सिनेमा पाहत असताना अचानक त्याला हृदयविकाराचा झटका आला आणि मस्तान याचं निधन झालं.

దేవ‌ర సినిమా చూస్తూ ఒక్కసారిగా కుప్పకూలి అభిమాని మృతి

కడప – అప్సర థియేటర్‌లో సినిమా చూస్తూ కేకలు వేస్తూ ఒక్కసారిగా కుప్పకూలిన మస్తాన్‌వ‌లీ అనే అభిమాని.

వెంట‌నే ప్రైవేట్ ఆస్ప‌త్రికి తరలించగా అప్పటికే మృతి.#DEVARA #DevaraStorm #DevaraCelebrations #NTR𓃵 #Ntrfans pic.twitter.com/UmlcRilt3Y

— IMǍMẞÝEÐ (@IMAMSYED0) September 27, 2024

मस्तान याला हृदयविकाराचा झटका आल्यानंतर तो जमीनीवर पडला आणि बेशुद्ध झाला. अशात मस्तान याला तात्काळ रुग्णालयात दाखल करण्यात आलं. पण तोपर्यंत उशीर झाला होता. रुग्णालयात दाखल करताना मस्तान याला डॉक्टरांनी मृत घोषित केलं.

घडलेल्या घटनेचा एक व्हिडीओ देखील सोशल मीडियावर तुफान व्हायरल होत आहे. चित्रपटगृहात प्रेक्षक आणि पोलीस दिसत आहे. याप्रकरणी पोलीस अधिक तपास करत आहेत. घटलेल्या घटनेनंतर चाहत्यांना देखील मोठा धक्का बसला आहे. सध्या सर्वत्र घडलेल्या घटनेची चर्चा सुरु आहे.

‘देवरा’ सिनेमाचं बॉक्स ऑफिस कलेक्शन

‘देवरा’ सिनेमा सध्या चाहत्यांचं मनोरंजन करताना दिसत आहे. सिनेमा प्रदर्शित झाल्यानंतर पहिल्या दिवशी जगभरात 140 कोटी रुपयांची कमाई केली. तर देशात सिनेमाने 82.5 कोटी रुपयांचा गल्ला जमा केला. दुसऱ्या दिवशी सिनेमाने रात्री 9 वाजेपर्यंत 35.70 कोटी रुपयांची कमाई केली. रविवारी सिनेमाने 40 कोटी रुपयांची कमाई केली. मिळालेल्या माहितीनुसार सिनेमाने आतापर्यंत भारतात 161 कोटी रुपयांची कमाई केली आहे.

Tags: हिंदी सिनेसृष्टी मनोरंजन सिनेमा

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.