मराठ्यांच्या नादी लागाल तर तुमचा राजकीय एन्काऊंटर होईल, मनोज जरांगे यांचा अमित शहा यांना इशारा

आंदोलने होतच असतात, त्याचा फारसा परिणाम होत नाही, या केंद्रीय गृहमंत्री अमित शहांनी केलेल्या वक्तव्याची मनोज जरांगे पाटील यांनी चिरफाड केली. अमित शहा यांना पटेल, गुर्जर आंदोलन हाताळण्याचा अनुभव असेल; पण मराठ्यांच्या नादी लागू नका. तुमचा राजकीय एन्काऊंटर झाल्याशिवाय राहणार नाही, असा स्पष्ट इशारा जरांगे यांनी अमित शहा यांना दिला.

मराठा आरक्षणासाठी सुरू असलेले बेमुदत उपोषण उच्च न्यायालयाच्या सन्मानासाठी स्थगित करून मनोज जरांगे हे उपचारासाठी छत्रपती संभाजीनगरातील गॅलेक्सी हॉस्पिटलमध्ये दाखल झाले आहेत. आज पत्रकारांशी बोलताना त्यांनी केंद्रीय गृहमंत्री अमित शहा यांनी भाजप पदाधिकाऱ्यांच्या बैठकीत केलेल्या वक्तव्याचा समाचार घेतला. पटेल, गुर्जर आंदोलने तुम्ही कशा पद्धतीने हाताळलीत हे आम्ही पाहिले आहे. मराठा आंदोलन हाताळण्याची भाषाही करू नका. ते तुम्हाला परवडणार नाही, असा टोला जरांगे यांनी लगावला. मराठा आंदोलनाला हात लावला तर ती तुमची घोडचूक ठरेल, असेही ते म्हणाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.