शिवसेनेच्या दणक्याने अदानी व्यवस्थापनाला जाग, विमानतळ हेल्पडेस्कच्या ठिकाणी केला छत्रपती शिवाजी महाराजांचा योग्य उल्लेख

मुंबईतील छत्रपती शिवाजी महाराज आंतरराष्ट्रीय विमानतळाच्या ठिकाणी मनमानी कारभार करणाऱया अदानी व्यवस्थापनाला शिवसेनेच्या दणक्याने अखेर जाग आली. महाराष्ट्र वाहतूक सेनेने जाब विचारताच विमानतळ हेल्पडेस्कच्या ठिकाणी दर्शनी भागात छत्रपती शिवाजी महाराजांचा योग्य उल्लेख करत अदानी व्यवस्थापनाने आपली चूक सुधारली.

मुंबई विमानतळाच्या हेल्पडेस्कवर एकदम तळाशी ‘छत्रपती शिवाजी महाराज आंतरराष्ट्रीय विमानतळ’ असा उल्लेख करण्यात आला होता. हा प्रकार म्हणजे शिवाजी महाराजांचा अवमान आहे. महाराष्ट्रातील जनता हे सहन करणार नाही. हेल्पडेस्कच्या ठिकाणी शिवाजी महाराजांच्या नावाचा उल्लेख करताना झालेली चूक सुधारण्यात यावी, अशी ताकीद महाराष्ट्र वाहतूक सेनेने अदानी व्यवस्थापनाला दिली होती.

महाराष्ट्र वाहतूक सेनेचे अध्यक्ष उदय दळवी, सरचिटणीस सूर्यकांत तांडेल, कार्याध्यक्ष अशोक टाव्हरे, उपाध्यक्ष प्रमोद सावंत, साईकुमार माळोदे, नारायण पवार, चिटणीस धर्मेश राठोड व इतर पदाधिकारी यांनी अदानी व्यवस्थापनाला यासंदर्भात जाब विचारला. याची गंभीर दखल घेत अदानी व्यवस्थापनानाने विमानतळ हेल्पडेस्कच्या ठिकाणी छत्रपती शिवाजी महाराजांचा नामोल्लेख योग्य पद्धतीने करत चूक सुधारली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.