उज्जैनमध्ये महाकाल मंदिराजवळ भिंत कोसळली, ढिगाऱ्याखाली अनेक जण दबल्याची भीती

मुसळधार पावसामुळे उज्जैनच्या महाकाल मंदिराजवळ भिंत कोसळल्याची घटना शुक्रवारी घडली. ढिगाऱ्याखाली अनेक जण अडकल्याची शक्यता वर्तवण्यात येत आहे. घटनेची माहिती मिळताच पोलीस आणि प्रशासनाचे पथक घटनास्थळी दाखल झाले असून रेस्क्यू ऑपरेशन सुरू आहे. काही लोक जखमी झाले असून त्यांना उपचारासाठी रुग्णालयात दाखल करण्यात आले आहे.

मध्य प्रदेशात मुसळधार पावसाने हाहाकार माजवला आहे. पावसामुळे महाकाल मंदिराच्या चार नंबर गेटजवळील भिंत कोसळली. इंदूर, उज्जैन, जबलपूर आणि ग्वाल्हेरमध्ये अलर्ट जारी करण्यात आला आहे. पुढचे दोन-तीन दिवस राज्यात पावसाचा जोर कायम राहिल अशी शक्यता हवामान विभागाने वर्तवली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.