मनोज जरांगे यांचे उपोषण स्थगित, मराठा आरक्षणात खोडा घालणाऱ्यांना धडा शिकवा

उच्च न्यायालयाने उपचार घेण्याचे आदेश दिले आहेत. उच्च न्यायालयाच्या सन्मानासाठी मनोज जरांगे-पाटील यांनी नवव्या दिवशी पाणी घेऊन उपोषण स्थगित केले. मराठा आरक्षणात खोडा घालणारांना धडा शिकवण्याचे आवाहनही यावेळी मनोज जरांगे यांनी केले. दरम्यान, उपोषण स्थगित झाल्यानंतर जरांगे यांना छत्रपती संभाजीनगरातील गॅलेक्सी रुग्णालयात उपचारासाठी दाखल करण्यात आले आहे.

सध्या पाऊस चालू आहे. आंतरवालीत येण्यासाठी रस्ता नाही. लोक चिखलात उभे राहतात. ही परवड पाहवत नाही. पण आरक्षणाच्या निमित्ताने मराठा समाज एकत्र आला. आता ही एकी अशीच राहू द्या, असे आवाहन मनोज जरांगे यांनी केले. देवेंद्र फडणवीस यांनी मराठय़ांच्या कल्याणाच्या आड येऊ नये, असा इशाराही जरांगे यांनी दिला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.