कश्मीरमध्ये दुसऱ्या टप्प्यात 56 टक्के मतदान

जम्मू-कश्मीर विधानसभेसाठी दुसऱ्या टप्प्यात 6 जिह्यांतील 26 जागांसाठी बुधवारी संध्याकाळी 5 वाजेपर्यंत 56 टक्के मतदान झाले. जम्मू विभागातील श्री माता वैष्णोदेवी जागेवर सर्वाधिक 79.95 टक्के मतदान झाले. त्यानंतर पूंछ-हवेली (72.71), गुलबगढ (राखीव, 72.19) आणि सुरनकोट (72.18) असे मतदान झाले.

कश्मीर खोऱ्यातील 15 विधानसभा मतदारसंघांमध्ये सर्वाधिक मतदानाची टक्केवारी खानसाहेब येथे 67.70 टक्के इतकी नोंदवली गेली. त्यापाठोपाठ कंगन (राखीव) 67.60 टक्के आणि चर-ए-शरीफ 66 टक्के होते. सायंकाळी 5 वाजेपर्यंत श्रीनगर येथे अवघे 27.31 टक्के मतदान झाले. तर हब्बाकडलमध्ये सर्वात कमी 15.80 टक्के मतदान झाले.

गांदरबल आणि बिरवाह अशा दोन मतदारसंघांतून लढणारे माजी मुख्यमंत्री आणि नॅशनल कॉन्फरन्सचे उपाध्यक्ष ओमर अब्दुल्ला यांनी आज त्यांची मुले झहीर आणि जमीर, वडील फारुख अब्दुल्ला यांच्यासमवेत येऊन मतदान केले. राज्यात तिसऱ्या आणि शेवटच्या टप्प्यातील मतदान 1 ऑक्टोबर रोजी होणार आहे. हरियाणा आणि जम्मू कश्मीरची मतमोजणी 8 ऑक्टोबर रोजी होणार आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.