Mumbai News – मॅनहोलमध्ये पडून 45 वर्षीय महिलेचा मृत्यू, अंधेरीतील घटना

मुंबईला बुधवारी परतीच्या पावसाने झोडपून काढले. पावसामुळे शहरातील सखल भागात पाणी साचले. रस्त्यांना नद्यांचे स्वरुप आले होते. यामुळे साचलेल्या पाण्यातून चालताना मॅनहोलमध्ये पडून एका 45 वर्षीय महिलेचा मृत्यू झाल्याची घटना अंधेरीत घडली. विमल गायकवाड असे मयत महिलेचे नाव आहे.

अंधेरीतील एमआयडीसी परिसरात विमल गायकवाड या रस्त्यावरून चालत असताना उघड्या मॅनहोलमध्ये पडल्या. मॅनहोलमध्ये महिला पडल्याची माहिती मिळताच अग्नीशमन दलाचे तात्काळ शोध मोहिम सुरू केली. महिलेला मॅनहोलमधून बाहेरर काढत तिला कूपर रुग्णालययययात दाखल करण्यात आले. मात्र डॉक्टरांनी तिला मृत घोषित केले.

पावसामुळे वाहतूक व्यवस्थेचीही दाणादाण उडाली आहे. रेल्वे रुळावर पाणी साचल्याने रेल्वेसेवा विस्कळीत झाली आहे. मध्य रेल्वेवरील लोकल उशिराने धावत आहेत. तसेच मुंबईतील रस्ते वाहतुकीवरही परिणाम झाला. रस्त्यांवर मोठ्या वाहतूक कोंडी निर्माण झाली होती.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.