गेल्या काही दिवसात राज्यातील गुन्हेगारी मोठ्या प्रमाणात वाढली आहे. एकीकडे मिंधे सरकार जाहीरातबाजीमध्ये व्यस्त असताना दुसरीकडे राज्यातील कायदा व सुव्यवस्थेचा बोजवारा उडाल्याचे चित्र आहे. त्यात गृहमंत्री देवेंद्र फडणवीस यांच्या नागपूर शहरातही गुन्हेगारी मोठ्या प्रमाणात वाढली आहे. त्यावरून महाराष्ट्र काँग्रेसने फडणवीसांवर निशाणा साधला आहे.
”गेल्या सहा महिन्यात गृहमंत्री फडणवीसांच्या नागपुरात 6839 गुन्हे दाखल झाले आहेत. त्यापैकी 61 लोकांचा खून, 134 हाफ मर्डर, 138 दरोडे, 213 लैंगिक अत्याचार, 320 विनयभंग, आणि 172 पॉक्सो केसेस झाल्या आहेत. सध्या गृहखात्याचा मनमानी कारभार सुरू आहे तरी केंद्रीय गृहमंत्री अमित शहा फडणवीसांचा राजीनामा का नाही घेत? असा सवाल काँग्रेसकडून करण्यात आला आहे.
”नागपुरातल्या बनावट औषधांसाठीचा पैसा मुंबईतून हवाला रॅकेटमार्गे उत्तर प्रदेशातल्या सहारणपूरमध्ये पाठवला जात होता. या प्रकारामुळे एक मोठी गुन्ह्यांची साखळीच असल्याचे दिसून आले आहे. या परिस्थितीत राज्याचे गृहमंत्री कोणत्या तोंडाने स्वतःला जनतेचे रक्षक म्हणवतात असा प्रश्न पडतो, असे काँग्रेसने ट्विट केले आहे.
.jpeg)
.jpeg)
.jpeg)
Comment List