अमेरिकेत विमानाचे गाव, गाड्यांऐवजी घरांसमोर विमाने

घराबाहेर कार किंवा बाईक पार्क असणे ही खूप सामान्य बाब आहे. मात्र आज एका अशा गावाबद्दल सांगणार आहोत, ज्या गावात चक्क प्रत्येक घराबाहेर विमान पार्क केलेले असते. गावातील प्रत्येकाकडे स्वतःचे खासगी जेट आहे. विशेष म्हणजे दैनंदिन वस्तू आणण्यासाठी चक्क विमानांचा वापर केला जातो. पॅलिपहर्नियातील हे गाव असून त्याचे नाव कॅमरून एयर पार्क असे आहे.

कॅमरून एयर पार्क मध्ये 124 घरे आहेत. गावात प्रवेश करताच रस्त्यावरच्या गाडयांऐवजी विमाने उभी असलेली दिसतात. तिथले गावकरी रोजच्या गरजा भागवण्यासाठी विमाने घेऊन निघतात. उदाहरणार्थ, दूध, चहा पावडर किंवा अन्य काही जिन्नस आणण्यासाठी विमाने उडवतात. कुटुंबासोबत लंच किंवा डिनरसाठी जातानाही विमाने घेऊनच निघतात.

या गावाची स्थापना 1963 साली झाली. दुसऱया महायुद्धात अमेरिकेतील वैमानिकांची संख्या लक्षणीय वाढली. युद्धासाठी अनेक एअरफिल्ड बांधली गेली. मात्र युद्ध संपल्यावर एअरफिल्ड बंद करण्यात आली नाहीत. त्यांचे रुपांतर निवासी एयर पार्कमध्ये करण्यात आले. सरकारने या भागात निवृत्त वैमानिकांची राहण्याची व्यवस्था केली. कॅलिफोर्नियातील कॅमरून एयर पार्क हे असेच एक एअरफिल्ड आहे.

 कॅमरून एयर पार्क गावामधील लोकांची जीवनशैलीही अनोखी आहे. तिथे साईन बोर्ड आणि लेटर बॉक्स जमिनीवर ङ्खेवले जातात, जेणेकरून विमान उडवण्यात कोणताही अडथळा येऊ नये. हे गाव आणि या गावात उभी असलेली विमाने यांचे फोटो अनेकदा व्हायरल होतात. हे नुसते एक गाव नसून निवृत्त वैमानिकांची अनोखी
लाईफस्टाईल आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.