शरद पवार यांना वाढदिवसाची भेट म्हणून सरकार हद्दपार करा! रोहित पवार यांचे आवाहन

येत्या विधानसभेत महाविकास आघाडी 155 हून अधिक जागांवर विजय मिळवत सत्तेत येणार आहे. शरद पवार यांच्या 85 व्या वाढदिवसानिमित्त त्यांना 85 आमदारांची भेट देऊन सध्याचे भ्रष्टाचारी सरकार हद्दपार करा, असे आवाहन कर्जत-जामखेडचे आमदार रोहित पवार यांनी केले आहे. सासवडला आयोजित राष्ट्रवादी काँग्रेस शरदचंद्र पवार पक्षाच्या युवक मेळावाप्रसंगी रोहित पवार बोलत होते.

आपल्या भाषणात रोहित पवार यांनी विविध दाखले देत सरकारच्या भ्रष्टाचाराची चिरफाड केली. सर्वेक्षणानुसार विधानसभेला भाजपा 65 जागा, शिंदे गटाला 25 ते 30 जागा, तर गुलाबी टोळीला अवघ्या 9 ते 11 जागांवर समाधान मानावे लागणार असल्याचे रोहित पवार यांनी सांगितले. पुरंदर तालुक्यातून माजी सनदी अधिकारी संभाजी झेंडे यांनी उमेदवारी मागितली आहे. रोहित पवार यांनी आपल्या भावना शरद पवार यांच्यापर्यंत पोहोचविल्या जातील, असे सांगितले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.