अजितदादांचा जावलीतील मोहरा पवारांच्या भेटीला

शरद पवार यांच्याशी द्रोह करून भाजपच्या कच्छपी लागलेल्या उपमुख्यमंत्री अजित पवार यांना धक्क्यामागून धक्के बसत असताना, आज साताऱ्यात आणखी एक धक्का बसला. पक्षफुटीनंतर अजित पवारांच्या गटात सामील झालेल्या अमित कदम यांनी आज शरद पवार यांची भेट घेऊन सातारा-जावलीतून तुतारीच्या चिन्हावर लढण्याची इच्छा व्यक्त केली.

राष्ट्रवादी काँग्रेसच्या स्थापनेपासूनच सातारा जिल्हा शरद पवारांचा बालेकिल्ला राहिला आहे. पक्षफुटीनंतर आमदार मकरंद पाटील, रामराजे नाईक-निंबाळकर यांच्याप्रमाणे अमित कदम यांच्यासारखे दुसऱ्या फळीतले काहीजण अजित पवारांच्या गटात गेले. मात्र, पवारांची साथ सोडल्याने अजित पवार यांना सातत्याने झटके बसत आहेत, त्यामुळे अनेक नेते त्यांची साथ सोडताना दिसत आहेत. या गळतीचे लोण साताऱयातही मोठय़ा प्रमाणावर पोहोचल्याचे दिसत आहे.

गेल्या काही दिवसांत साताऱयातील महायुतीच्या गोटात असलेल्या जवळपास 29 जणांनी शरद पवारांची भेट घेऊन उमेदवारीची मागणी केली आहे. त्यात आज अमित कदम यांच्यासारखा अजित पवारांचा मोहरा शरद पवार यांच्या दरबारात पोहोचल्याने अजित पवार गटाला मोठा धक्का बसला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.