अशोक सराफ यांचे छोटय़ा पडद्यावर कमबॅक!

हिंदी-मराठी कलाविश्वातील हरहुन्नरी अभिनेते अशोक सराफ पुन्हा एकदा छोटा पडदा गाजवायला सज्ज आहेत. कलर्स मराठीच्या ‘अशोक मा.मा.’ या मालिकेच्या माध्यमातून अशोक सराफ छोटय़ा पडद्यावर दमदार कमबॅक करत आहेत. प्रोमो पाहताक्षणी काहीतर गूढ, थरारक असल्याचे जाणवतंय. प्रत्येक गोष्टीची खबरदारी घेणारे, अत्यंत शिस्तप्रिय, काटेकोरपणे वागणारे अशोक मामा दिसत आहेत. तसेच ‘शिस्त म्हणजे शिस्त’ हा त्यांच्या आयुष्याचा फंडा असल्याचे प्रोमोमध्ये स्पष्ट होत आहे. पण त्यांच्या मिश्कील अंदाजाने सर्वांच्या चेहऱयावर ते हसू आणणार आहेत. प्रोमोतील शेवटच्या फ्रेममध्ये दारावरील नेमप्लेटमध्ये ‘अशोक मा.मा.’ असं दिसत आहे. एपंदरीतच अशोक सराफ आणि मालिकेतील त्यांच्या पात्राचं नाव सारखंच आहे. अशोक सराफ यांच्यासह आणखी कोणते कलाकार मालिकेत झळकणार? मालिका कधीपासून सुरू होणार या सर्व प्रश्नांची उत्तरे प्रेक्षकांना लवकरच मिळणार आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.