नेपाळमध्ये हिंदुस्थानी सोशल मिडिया इन्फ्लुएन्सरवर सामुहिक बलात्कार, चार जणांसह दोन नेपाळींना अटक

नेपाळमध्ये हिंदुस्थानी सोशल मिडिया इन्फ्लुएन्सरवर सामुहिक बलात्कार झाला आहे. या प्रकरणी चार हिंदुस्थानी नागरिकांसह दोन नेपाळी तरुणांना अटक करण्यात आली आहे.

मिळालेल्या माहितीनुसार हिंदुस्थानाची एक सोशल मिडिया इन्फ्लुएन्सर नेपाळ फिरायला गेली होती. तिच्यासोबत चार हिंदुस्थानी तरुणही होते. ही तरुणी भैरहवा मधील क्लब आणि कसिनोमध्ये फिरल्यानंतर हॉटेलमध्ये आली. तेव्हा या चारजणांसह हॉटेलमध्ये काम करणाऱ्या दोन नेपाळी तरुणांनी तिच्यावर सामूहिक बलात्कार केला. ही तरुणी जेव्हा या नराधमांना विरोध करत होती तेव्हा या आरोपींनी तिला जबर मारहाण केली.

तरुणीने यावेळी आरडाओरड केली तेव्हा हॉटेलच्या मॅनेजरने तरुणीच्या खोलीकडे धाव घेतली आणि पोलिसांना फोन केला. पोलिसांनी घटनास्थळी धाव घेतली आणि सहा जणांना अटक केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.