मोठी दुर्घटना! इराणमध्ये कोळशाच्या खाणीत स्फोट, 51 जणांचा मृत्यू

इराणमध्ये एक मोठी दुर्घटना घडली आहे. इराणमध्ये एका कोळशाच्या खाणीत स्फोट झाल्याची घटना घडली आहे. कोळशाच्या खाणी मिथेन वायूच्या गळतीमुळे झालेल्या स्फोटात 51 जणांचा मृत्यू तर 20 जण जखमी झाले आहेत. ही घटना शनिवारी रात्रीच्या सुमारास घडली आहे. याबाबत इराणच्या सरकारी मीडियाने रविवारी यासंदर्भात माहिती दिली.

At least 51 dead in Iran coal mine blast – https://t.co/3zCLjLYG8z

— Reuters Iran (@ReutersIran) September 22, 2024

इराणमधील कोळशाच्या खाणीत झालेल्या स्फोटाबद्दल सरकारी वृत्तसंस्था ‘आयआरएनए’ ने सांगितले की, हा स्फोट इराणची राजधानी तेहरानपासून 335 किमी दूर तबस या ठिकाणी झाला. शनिवारी रात्री उशिरा झालेल्या अपघातात जवळपास 51 जणांचा मृत्यू झाला आहे. अधिकाऱ्यांनी आपत्कालीन कर्मचाऱ्यांना घटनास्थळी पाठवल्याचे सांगण्यात आले. अपघात घडला त्यावेळेस खाणीत सुमारे 70 लोक काम करत होते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.