काशी विश्वनाथ मंदिरात आग

वाराणसी येथील काशी विश्वनाथ मंदिरात गुरुवारी सकाळी आग लागली. गाभाऱ्यातील खिडकीजवळ शॉर्टसर्किट झाले. सकाळची मंगल आरती झाल्यानंतर ही घटना घडली. स्पर्श दर्शन सुरू असताना अचानक खिडकीजवळ आगीचे लोट दिसले.

आगीच्या ज्वाळा मोठ्या होत्या. त्यामुळे मंदिरात उपस्थित भाविक आणि कर्मचारी घाबरले. मंदिर परिसरात तैनात पोलिसांनी तत्काळ भाविकांना मंदिराबाहेर नेले आणि अग्निशमन उपकरणांच्या मदतीने आग विझवली.

मंदिराचे एसडीएम शंभू शरणा यांनी सांगितले की, ही घटना सकाळी 4.55 वाजता घडली. आगीवर लगेच नियंत्रण मिळवण्यात आले. मंदिरात शॉर्ट सर्किट कसे झाले. याचा तपास केला जात आहे. मंदिरात प्रत्येक वायरिंगची तपासणी केली जात आहे. खबरदारीचा उपाय म्हणून काही काळ दर्शन बंद करण्यात आले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.