खेळता खेळता 35 फूट बोअरवेलमध्ये पडली, 18 तासांच्या अथक प्रयत्नांनंतर 2 वर्षांच्या मुलीची सुटका

राजस्थानमधील दौसा येथे दोन वर्षाची चिमुरडी 35 फूट बोअरवेलमध्ये पडल्याची घटना बुधवारी घडली. घटनेची माहिती मिळताच राष्ट्रीय आपत्ती प्रतिसाद दल (NDRF) आणि राज्य आपत्ती प्रतिसाद दला(SDRF)ने घटनास्थळी धाव घेत चिमुकलीच्या बचावासाठी प्रयत्न सुरू केले. अखेर तब्बल 18 तासांच्या अथक प्रयत्नांनंतर गुरुवारी चिमुकलीची यशस्वी सुटका करण्यात आली.

बोअरवेलमधून सुटका केल्यानंतर मुलीला जवळच्या रुग्णालयात दाखल करण्यात आले आहे. एनडीआरएफ आणि एसडीआरएफच्या टीममुळे मुलीचे बचावकार्य यशस्वी झाल्याचे एसपी रंजिता शर्मा यांनी सांगितले.

एनडीआरएफचे योगेश कुमार यांनी दिलेल्या माहितीनुसार, मुलगी 28 फुटांवर अडकली होती आणि तिला वाचवण्यासाठी समांतर मार्ग खोदण्यात आला होता. सुरक्षेमुळे बचावकार्यास अपेक्षेपेक्षा अधिक वेळ लागला. एकूण 30 जणांचा या बचावकार्यात सहभाग होता. अखेर बचाव पथकांनी 18 तास परिश्रण घेत मुलीची सुखरुप सुटका केली.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.