Dhule News – गणपती विसर्जनासाठी गेलेल्या सख्ख्या भावांवर काळाचा घाला, तलावात बुडून दोघांचा करुण अंत

धुळ्यात गणपती उत्सवाला गालबोट लावणारी घटना उघडकीस आली आहे. गणपती विसर्जनासाठी गेलेल्या दोन भावांचा तलावात बुडून मृत्यू झाला. ओम पाटील आणि यश पाटील अशी मयत भावांची नावे आहेत. या घटनेमुळे परिसरात शोककळा पसरली आहे.

धुळे शहरातील बिलाडी परिसरात राहणारे पाटील बंधू आपल्या एका मित्रासह गणपती विसर्जनासाठी तलावात गेले. मात्र तलावाच्या खोलीचा अंदाज न आल्याने तिघेही पाण्यात बुडू लागले.

परिसरातील नागरिकांना तीन तरुण बुडत असल्याची माहिती मिळताच त्यांनी तात्काळ तलावाकडे धाव घेतली. मात्र त्याआधीच पाटील बंधूंचा बुडून मृत्यू झाला होता. तर त्यांच्या मित्राला वाचवण्यास यश आले आहे.

दोघा भावांचे मृतदेह बाहेर काढून शवविच्छेदनासाठी शासकीय हिरे वैद्यकीय महाविद्यालयात पाठवण्यात आले. दोघा भावांच्या मृत्यूमुळे पाटील कुटुंबावर दुःखाचा डोंगर कोसळला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.