पोलीस कर्मचाऱ्याने सर्व्हिस रिवॉलव्हरने पत्नीला घातली गोळी, नांदेडमधली धक्कादायक घटना

पोलीस कर्मचाऱ्याने आपल्या सर्व्हिस रिवॉलव्हरने आपल्याच पत्नीला गोळी घातली आहे. या हल्ल्यात पत्नीचा मृत्यू झाला आहे. नांदेडमध्ये ही घटना घडली असून या हत्याकांडामुळे खळबळ पसरली आहे.

नांदेड शहरात आज सर्वत्र गणेश विसर्जन सोहळा सुरू होता. सर्वत्र पोलिस बंदोबस्तात गणपती विसर्जन शांततेत सुरू होते. त्यावेळी पोलीस अमलदार अफजल पठाण हे विमानतळ पोलिस ठाण्यातील गुन्हे शोध पथकात कार्यरत आहेत. पठाण आपल्या घरी धनेगाव येथील आयडीयल कॉलनीत सायंकाळी सहा वाजता पोहोचले. पठाण यांनी आपल्या शासकीय बंदुकीतून आपल्याच पत्नीवर गोळीबार केला. या गोळीबारात पठाण यांच्या पत्नीचा जागेवरच मृत्यू झाला. घटनेची माहिती मिळताच पोलिस ठाण्याचे पथक तेथे पोहोचले आणि त्यांनी अफजल पठाणला ताब्यात घेतले. दुसरीकडे पत्नीचा मृतदेह उत्तरीय तपासणीसाठी रुग्णालयात पाठवला असून या घटनेने एकच खळबळ उडाली आहे. पठाण यांनी असे का केले याचा तपास पोलीस सध्या करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.