बोलण्यास नकार दिल्याने प्रेयसीवर चाकूहल्ला करत प्रियकराने स्वतःचा गळा कापला. मुंबईतील भांडुप परिसरात ही घटना घडली. दोघेही गंभीर जखमी असून महिलेवर मुलुंडमधील रुग्णालयात उपचार सुरू आहेत. तर आरोपीला सायन रुग्णालयात दाखल करण्यात आले आहे.
पीडित महिलेच्या पतीचे 2016 मध्ये निधन झाले आहे. महिलेला 15 वर्षांचा मुलगा आहे. महिला मुलगा आणि बहिणीसह भांडुप परिसरात राहत असून घरकाम करते. आरोपी भगने आणि पीडित महिला गेल्या पाच वर्षांपासून रिलेशनशीपमध्ये होते.
काही कारणातून महिलेने भगनेशी बोलणे बंद केले होते. भगनेने महिलेशी बोलण्याचा प्रयत्न केला. मात्र महिलेने नकार देत त्याला निघून जाण्यास सांगितले. यावरून दोघांमध्ये वाद झाला.
संतापाच्या भरात भगने याने चाकू काढला आणि महिलेचा गळा चिरला. त्यानंतर भगनेने स्वतःचाही गळा चिरला. रस्त्यावरून चाललेल्या नागरिकांनी दोघांना रुग्णालयात दाखल केले. महिलेच्या गळ्यावर 15 टाके पडले असून तिची प्रकृती आता धोक्याबाहेर आहे. भगनेची प्रकृती चिंताजनक आहे.
भांडुप पोलिसांनी आरोपीविरुद्ध बीएनएस कलम 109 (हत्येचा प्रयत्न), 118(1) (धोकादायक शस्त्राने दुखापत करणे), 118(2) (धोकादायक शस्त्राने गंभीर दुखापत करणे), 352 (शांतता भंग करण्यासाठी हेतुपुरस्सर अपमान) तसेच महाराष्ट्र पोलीस कायद्याच्या कलम 37(1)(अ) आणि 135 नुसार गुन्हा दाखल केला आहे.
.jpeg)
Comment List