Raigad News – क्षुल्लक वादाचे हाणामारीत रुपांतर, मग चाकू हल्ला करत इसमाची हत्या

क्षुल्लक वादातून चाकूने हल्ला करून एकाची हत्या केल्याची धक्कादायक घटना रायगडमधील माणगाव शहरात घडली आहे. याप्रकरणी माणगाव पोलीस ठाण्यात गुन्हा दाखल करण्यात आला आहे. पोलीस पुढील तपास करत आहेत.

माणगाव शहरातील रेल्वे स्थानकाजवळ असलेल्या अनमोल आईस्क्रीम कॉर्नर दुकानाजवळ 11 सप्टेंबर रोजी ही घटना घडली. दोन अनोळखी इसमांचा मयत इसमाशी क्षुल्लक कारणातून वाद झाला. या वादाचे हाणामारीत रुपांतर झाले.

यावेळी एका आरोपीने मयत इसमाच्या कानशिलात लगावली. यामुळे संतापलेल्या खिशातून धारदार शस्त्र काढून पहिल्या आरोपीवर वार केला. यावेळी दुसरा आरोपी त्याला आवरण्याचा प्रयत्न करत असतानाच मयताच्या छातीवर, पोटावर दुखापती झाल्या. जखमी मयताला वैद्यकीय मदत देण्याऐवजी घटनास्थळावरून पुरावे घेऊन दोघा आरोपींना पळ काढला.

याप्रकरणी उपविभागीय पोलीस अधिकारी पुष्कराज सुर्यवंशी यांच्या मार्गदर्शनाखाली पोलीस निरिक्षक निवृत्ती बोऱ्हाडे पुढील तपास करीत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.