निवडणुकीच्या तोंडावरच खोऱ्यात रक्तपात, कश्मीरमध्ये एका बहाद्दर अधिकाऱयासह दोन जवान शहीद

किश्तवाड जिल्ह्यातील पर्वतमय भागात उंचावर दहशतवाद्यांशी शुक्रवारी दुपारी साडेतीनच्या सुमारास झालेल्या चकमकीत एका कनिष्ठ अधिकाऱयासह दोन जवान शहीद झाले तर दोघे जण जखमी झाले. जम्मू-कश्मीर विधानसभा निवडणुकीच्या पहिल्या टप्प्यातील मतदान पाच दिवसांवर आले असताना दहशतवादी कारवाया आणि हल्ले वाढले आहेत.

लष्कर आणि पोलिसांच्या संयुक्त सुरक्षा पथकाने छत्रू पट्टय़ातील उंचावरील नैदघम गावाच्या परिसरात घेराबंदी आणि शोधमोहीम सुरू केली असता पिंगनल दुगड्डा भागातील जंगलात लपलेल्या दहशतवाद्यांनी गोळीबार केला. या गोळीबारात जखमी झालेल्या चौघांपैकी नायब सुभेदार विपन पुमार आणि शिपाई अरविंद सिंह हे शहीद झाले अशी माहिती सुरक्षा अधिकाऱयांनी दिली. लष्करानेही दोन जवानांच्या वीरमरणाला दुजोरा दिला आहे.

बारामुल्लामध्येही चकमक

बारामुल्ला जिल्ह्यातही शुक्रवारी सुरक्षा दल आणि दहशतवाद्यांमध्ये चकमक झाली, असे पोलिसांनी सांगितले. बारामुल्लाच्या चक टप्पर क्रिरी पट्टण भागात चकमक सुरू झाली आहे, असे कश्मीर झोन पोलिसांनी एक्सवर म्हटले आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.