जालन्यातील दहीफळे तालुक्यात एक धक्कादायक घटना उघडकीस आली आहे. अज्ञात कारणातून पत्नीला व्हिडिओ कॉल करत पतीने गळफास लावून आत्महत्या केल्याची घटना दहीफळ खंदारे येथे घडली आहे. आकाश नायबराव गायकवाड असे मयत पतीचे नाव आहे.
आकाश हा मुंबई येथे पत्नीसोबत राहत होता. गुरुवारी सकाळी आकाश मुंबईहून आपल्या गावी आला होता. गावी आल्यानंतर दुपारी आकाश शेतात गेला. तेथे जात पत्नीला व्हिडिओ कॉल करून मी आत्महत्या करत आहे असे सांगितले. त्यानंतर लिंबाच्या झाडाला गळफास घेत आत्महत्या केली.
आकाशने हे टोकाचे पाऊल का उचलले याबाबत अद्याप कळू शकले नाही. आकाशच्या पश्चात वडील, भाऊ, पत्नी, एक मुलगा, एक मुलगी असा परिवार आहे. याप्रकरणी मंठा पोलीस ठाण्यात मृत्यूची नोंद करण्यात आली आहे. पोलीस प्रकरणाचा सखोल तपास करत आहेत.
.jpeg)
Comment List